Yon blòg an kreyol ak Richardly

Ou‬ ka eseye neye m' 

Ou ka anpeche m' kouri

Ou ka sonde m'

Ou ka blese m'

E menm mache sou fyète m'

Ou ka rache kè m' pak an pak

Ou ka jije m' pou chak zak

Ou ka fè m' soupire

Ou ka fè m' andyable

Ou ka mete m' nan prizon

Ou ka fè m' pran tansyon

Ou ka akize m'

pouw rele m' devan bawon samdi

Ou ka menm zonbifye m' Ak anchene nanm mwen nan kannari

Ou ka pyeje m' pou w' fè m' pèdi kredi

Ou ka kanpe an kwa

nan pòt syèl la 

pou Sen Pyè pa kite m' antre nan paradi

Men Ou pap Janm kapab efase kouray mwen

Ni koronpi inosans ki nan 2 boulon je m'

Ak lafwa m' gen 

nan kè m' pou m' kolore lavi m'

ak yon moso solèy

Blogè : JRP