Mwen pa p' kriye
Mwen pa p' kriye
Kole fè cho nan chak bò dèyè m'
Souflete m' nan chak bò machwè m'
Mwen pap kriye
Fè m' mache sou dife
Oubyen pwofane fason m' panse
Mwen pap kriye
Lage chen dèyè m'
Kole dan kanniw yo nan dèyè m'
Mwen pap kriye
Fè kò m' fè maleng ak kout frèt
Eseye lage gonm bwapen nan chak bò tèt
Mwen pap janm kriye
Sim kriye, wa panse w' ranpòte viktwa
E mwen pap fè l' ni nan limyè
Ni nan fè nwè
Si m' kriye
Ou ka panse w' ka mete pye sou kou m'
mwen ta pito redi jis m' kase tout venn nan kou m'
Ou te mèt koupe gigit mwen an ti moso
Fè tout moun pran m' pou yon gwo moso
mwen pap kriye
Ou ka eseye tire 7 boulèt
4 nan pye ak 3 nan tèt
Mwen pap kriye
Ranni kou bèt lè w site non m'
Miltipliye kòlè w',menm fè tankou w' tap bat yon fanm
Mwen pap kriye
Tounen gwo van pou w' chavire bak mwen
Pete tankou kochon pou w' deregle 2 tou nen m'
Mwen pap janm kriye
Sim kriye, wa panse w' ranpote viktwa
E mwen pap fèl ni nan limyè ni nan fè nwa
Si m' kriye, wa panse w' ka mete pye sou kou m' Mwen ta pito redi jis m' kase tout venn nan kou m'
Silans mwen fè mal
Se tout bri,se tout bal
Silans mwen ka nui w'
Li ka menm grafonyen lespri w'
Silans mwen mistik
E se plis ke misil ak moustik
Blogè : JRP