Desten pa gen koulè
Desten pa gen koulè
-I-
A tout moun ki panse w antὸ, ou p’ ap janm anyen
F’on jan pou w’ pa charye dlo ankὸ nan gran panyen
Si yo ta di w syèl la gen pou chanje koulè nan yon flannen
Tchuipe yo,dife lanfè pa jwe ankὸ, yo gen pou kankannen
-II-
Tout sa ki anwo ti janjan toujou menm jan ak sa ki anba
Tout sa ki deside anwo ti pantan te gentan deside anba
Desten pa gen koulè menm si pa w la ta ba w koulè manba
Travay chak jou ti frè,yon jan pouw pa danse sou lè ganga
-III-
Kouman w t’ap santi w si nan yon klas yo ta trete w de petawὸt
Oubyen y’ap fèw grimas paske tout sa w manyen se ta gagὸt
Pa swiv chimen ki trase pou chanje lavi w’ menm si se ta ka zὸt
Travay san relach ap pèmèt ou sèvi tout medizan de twa kalὸt
-IV-
Pa okipe malpalan ki di w pap rive,pouvwa lespri w’ ekstraὸdinè
Konstriksyon yon palè dwe mize,flè woz pa konpare ak flè ὸdinè
Lè w soti anba pou w monte anwo, ou tankou yon bèl Limyè
Pa okipe sa k’ap di pa gen plas ankὸ paske syèl la se sèl lizyè
-V-
Sispann chante malè w’ nan jou ki pa dous yo, se abominasyon
Lè w tonbe ou leve san plenyen pa gen pi bèl amonizasyon
Pa okipe gran goj, barik vid pa konn fe bri sinon se valorizasyon
Lè w gade silans pami swadizan konesè ,se pa devalorizasyon
-VI-
- Facebook : Jean-Richardly PIERRE, poète
- Website : www.richardlyayiti.blog4ever.com
- Contact: (509) 3111- 97 50